De “Bond op de Keijenborg”
Op de gedenksteen ston de spreuk “De mens zaait, maar God moet wasdom geven”. Pastoor Thuis op de Keijenborg was de grote stimulator veur ’t oprichten van de Boerenleenbanke en de Bond (officieel de ABTB).
Bi-j zowel de melkfabrieken as bi-j voerleveranciers was der beheurleke concurrentie met de zogenaamde vrieje handel en ze bemujen zich aoveral met töt leveranciers van trekkers en warktugen. In 1949 was der nog oorlog tussen Centraal Beheer en de smeden, want die wollen ’n soort waegenwacht oprichten veur de boeren die met makkes zatten met machines die’t ze ekoch hadden via Centraal Beheer. Die boeren konnen effen niet meer terechte bi-j de smid en toen was ’t gauw af-elopen.
Boerenleenbank Hengelo Gld. 60er jaoren.
De Volharding Hengelo Gld.
Wel wieren ze deur alsmaor fuseren zo alderbastend groot, dat de gewone boer der helemaol niks meer aover te zeggen had. Friesland Campina, For Farmers, Cosun bunt tegenwoordeg de namen die’j regelmaoteg tegen komp. Toch kump der zo now en dan nog iets van de olde tegenstelling van vrogger naor baoven. De fusie tussen For Farmers en UTD, de olde vrieje handel, had toch nogal vute in eerde.
Lees de anekdotes op pagina 3