Uit de Olde Kaste 1990-04
Auteur: Mw. Gerda Langeler-Woerts
Herinneringen van Gerda Langeler
Ingezonden reaktie
Bij de redaktie is de volgende reaktie binnengekomen op het artikel uit de vorige Olde Kaste, getiteld “Kinderspöllekes”.
Vrogger nao de schole gaon was bes gezellig, veural direct nao de oorlog. Ik kan mien nog best herinnern dat wi-j les kregen in het burgemeistershuus aan de Hofstraote en dat was in de garage. As ie dan nao ’t huuske mossen dan mos i-j bi-j Braakhekke in ”t kleine” weiken, daor ston dan zo’n hökske. Ik wet nog wel dat daor ok geiten en bokken in liepen en die beeste konnen stoten, zodat ík wel us lange in dat huuske bleef zitten umdat ik bange was.
In de olde schole was ut bes gezellig bi-j de grote holtkachel. Daor ston dan ‘s-nummerclags een kokkerpot met melk op, wie dan oaverbleef kreeg ‘n beker melk, en dat was bes lekker. Wi-j hadden daor ok catugismus van Dhr. te Winkel. Dan mossen wi-j versjes zingen en wie dat mooi deed kreeg un mooi plaatjen. Maor wi-j waren niet altied suute, dus ok propje schieten met een latjen en dat vond hi-j niet leuk, en wieltjes laoten draaijen die uut een wekker was ‘ehaald, en as hi-j dan kwaod wier dan mos ie naor “De Koale” um strafwerk te maken of um te helpen was opvouwen, dat was bes gezellig.
Mw. Gerda Langeler-Woerts