Uit de Reclame
Hoo es effen! (gedicht)
Ha’j las van de moeze,
en gien katten in huus,
Dan weas d’r moar bi’j,
of ’t word o’w ’n kruus,
Bi’j ons he’w van joar
jonge katten met tröppe,
Mirakelse mooien
met zeldzame köppe,
Wi’j biedt ze ö’w an,
i’j heb keuze uut tiene,
Nee, zökke dierkes
ha’j nargens eziene!
Zinnige katten;
Bonten en zwatten,
Zeldzame griezen;
keer’l zökke wiezen!
Katten, die bunt
met gien geld te betalen,
Ze kost ow gien cent
want i’j heb ze veur ’t halen, —
Sprink op de fietse
met ’n deuze of doek:
Haalt o’w zo’n katte
bi’j Jan in et Broek!
J. W. Wagenvoort, D 64 Hengelo-Gld