Uit de RECLAME 29 november 1952
Sinterklaos
De Sint kump weer in Hengel
Now hei’j ’t nog neet ehad.
Wat Hengel duud dat vin i’j
Nog èns neet in de stad !
De winkeliers van Hengel.
Met Keyenburg d’r bi’j,
Maakt kleine en grote mensen
Met Sinterklaos weer bli’j.
En ök in Varssel, Bekveld,
Met Noordink d’r bi’j an,
Kui’j Sinterklaos bestellen,
Die gif al watte kan.
De winkeliers van Hengel
Die weart zich met geweld,
Want Sint kump straks weer kopen
Wat ieder hef besteld.
De winkeliers van Hengel
Hold ök ballero-spel
Die geeft now gratus bonnen,
Dat ‘wet i’j zeker wel.
En dan maor gooien, gooien,
Al wat i’j heb eleard,
Moar gooi i’j leage nommers
Dan doe’j et glad vekeard.
Kiek straks moar noa de prieze
Die veur de roeten stoat,
Pas op, da’j van vebazing
Neet achteroaver sloat.
’n Dames-Herenfietse
Of wel ’n radio,
A’j ’t hoogste bunt in ’t gooien
Dan krieg i’j die moar zo.
En krieg i’j ’t vette varken,
Maak dat dan lekker kloar,
Dan hei wat tied-vekotting
Met kassemis en ni’joar.
In Keyenburg en Hengel
Kump Sinterkloas straks an,
Dan krieg doar alle kinder,
Al watte geven kan.
En ök in Varssel, Bekveld,
’t Noordink-land d’r bi’j,
Breg Sinterkloas van alles,
Maakt alle kinder bli’j.
Leas wieter moar hoe alles
in de Reclame steet,
Dat blad dat alle wekke
Zo wiet in ’t ronde geet.
An ’t ende van mien liedjen
Geef ik ow nog de road:
Zekt Sinterkloas ow wenschen
A’j straks noar Hengel goat.
Want Sint geet toeken wekke
Weer de gemeente deur,
En alle winkelzaken
Die zorgt d’r wieter veur!