Uit De Olde Kaste 2018-03
Auteur: Harm Waamelink
De coöperatie
Halverwaege de negentiende eeuw hadden de mensen ‘t niet zo vet as now. De middenstanders en de boeren hadden armoede, veural in onze streek.
In Engeland wier de eerste coöperatie op-erich in 1760 bi-j mensen die’t samen ’n mölle in bedrief hadden. Gin mense anders dan de deelnemmers konnen der gebruuk van maken en an ’t ende van ‘t jaor wier de balans op-emaak en de winst verdeeld.
De productie van melk en alles wat door met te maken had, was now niet drek ’n mooi grei um te verkopen. Smerege stallen, gin idee hoe a’j alles schone mossen hollen en dan köj naogaon wat veur ’n kwaliteit an botter door uut kwam. Samen ’n botterfabriek oprichten en zörgen veur gezamelek kapitaal en kennis van buten hef ’n enorme veuruutgang veroorzaak op dit gebied. ‘n Betjen plaatse kreeg zo zien eigen botterfabriek zoas hier in Hengel.
‘t Geet mien ’n betjen te wied um hier uutgebreid op in te gaon, maor de Boerenleenbanken en Raiffeisenbanken, later op-egaon in de RABO, hebt ok ’n grote rolle espöld in de veuruutgang.
Lees verder op pagina 2